زارۆک و میدیایا دیجیتاڵی
د رەوشا نها دا، بکارئینانا میدیایا دیجیتاڵ دشێت کاران لسەر دایک و بابان سڤک بکەت. دبیت زارۆک نەشێن ژ مال یان شوقێ دەربکەڤن. میدیا وان مژوول دکەت و د پەیوەندیێ دا دگەل هەڤالان دهێلیت. ڤێ چەندێ بارگرانیێ ژسەر دایک و بابان کێم دکەت.
د هەمان دەم دا، میدیایا دیجیتاڵ دشێت ببیتە ئەگەرێ ئالودەبوونێ. شیانێن ئالودەبوونێ یێن میدیایا دیجیتاڵ ل دەڤ زارۆک و گەنجان (هەروەسا ل دەڤ مەزنان ژی) ب شێوەیەکێ زانستی هاتینە سەلماندن.
بۆ دوورکەفتن ژ ڤێ چەندێ، دڤێت ئەڤ خالێن ل خوارێ ل بەرچاڤ بهێنە وەرگرتن:
- هایداری وێ میدیایێ بە یا دهێتە بکارئینان. ب تایبەتی زارۆک دڤێت ئەپلیکەیشنێن یاریان بکارنەئینن. چونکی ئەڤ ئەپلیکەیشنە ب رێکەکێ هاتینە دیزاینکرن کو شیانێن ئالودەبوونێ یێن بلند هەبن، حەتا بۆ گەنج و مەزنان ژی. بۆ نموونە، د هندەک یاریان دا، فشــار هەیە کو ب شێوەیەکێ رێکخستی د دەمێن دیارکری دا بەردەوام یاریێ بکەی دا کو خالان بدەستڤە بینی.
- بکارئینانا میدیایێ (دیجیتاڵ) دڤێت دگەل خشتەکێ رۆژانە یێ رێکخستی بیت. ب شێوەیەکێ دیارکری: د خشتەکێ رۆژانە یان حەفتیانە دا، ب دروستی دیار بکە کا کەنگی زارۆکێن تە دشێن سەرەدەریێ دگەل میدیایێ (دیجیتاڵ) بکەن. لدیڤ ژیێ زارۆکان، تو دشێی دەمان دگەل وان دیار بکەی.
- تو دشێی میدیایێ دگەل زارۆکێن خۆ ژی بکاربینی. دبیت فلمەک هەبیت هوین پێکڤە تەماشە بکەن. یان هوین دشێن پێکڤە پەیوەندیەکا ڤیدیۆی دگەل باپیر و داپیران یان ئەندامێن دی یێن خێزانێ یان هەڤالان بکەن. یان هوین دشێن دگەل ئێک یان دژی ئێک یاریان بکەن.
- زێدەباری ڤێ چەندێ، میدیایا دیجیتاڵ و پێکهاتا رۆژانە دشێن ب ڤی رەنگی بهێنە تێکەلکرن: زارۆک دشێن ناڤەرۆکا فلم یان یاریان د چالاکیێن تـەڤگەری دا دووبارە نیشان بدەن یان د وێنەیێن خۆ یێن تایبەت دا بکێشن. کۆمەلا قوتابخانەیێن سەرەتایی لیستەکا ئامۆژگاریان دەربارەی بکارئینانا میدیایێ ئامادە کریە، کو هندەک ژ وان بۆ زارۆکێن مەزنتر و گەنجان ژی ب مفانە.
- دڤێت ژیانا رۆژانە بتنێ لسەر میدیایا دیجیتاڵی نەزڤڕیت. ب هشیاری چالاکیێن هەڤبەش یێن چ پەیوەندی ب میدیایێ ڤە نینن بهێز بێخە. بۆ نموونە، چێکرنا خوارنێ، یاریێن سەر مێزێ، گۆتنا چیرۆکان، یان وێنەکێشان. لێرەدا ژی، هەبوونا خشتەکێ رۆژانە یێ جێگیر دشێت هاریکار بیت.