چارەسەریا دەرونی چارەسەریەکا کاریگەر بۆ وان کەسان دابین دکەت یێن نەئارامیێن دەرونی و سایکۆسۆماتیک (دەرونی-جەستەیی) هەی. ئەو کەسێن هەست ب ڤالاتیێ یان بێ رامانیێ د ژیانا خۆ دا دکەن یان ئەوێن ل هەستەکێ مەزنتر یێ تێربوونێ دگەڕیێن، دبیت ب رێکا چارەسەریا دەرونی بهێنە هاریکاریکرن.

دبیت خەلک ژبەر سەدەمێن دیارکری هاریکاریێ بخوازن وەک ترۆما ژ ئەگەرێ شەر، ناکۆکی، دەستدرێژی یان رویدانان، ترۆمایا زارۆکینیا زوو، نەئارامیێن خوارنێ، رەفتارێن وەسواسی یان ترسێن فۆبی. هندەک جاران ژی هاریکاری دهێتە خواستن ژبەر هەستێن گشتی یێن بنەڕەتی یێن خەمۆکیێ یان دلقەلەقیێ، زەحمەتی د تەرکیزکرنێ دا، نەرازیبوون د کاری دا یان نەشیان د دروستکرنا پەیوەندیێن رازیـکەر دا. لێ، بهایێ چارەسەریا دەرونی بتنێ بۆ وان کەسان نینە یێن ئاریشەیێن ساخلەمیا دەرونی هەین.

پەیوەندیا دناڤبەرا چارەسەرکەرێ دەرونی و موراجعـی دا (client) خالەکا گرنگە د پرۆسەیا چارەسەریا دەرونی دا. چارەسەرکەرێ دەرونی ژینگەهەکا خودان شیان و تایبەت پێشکێش دکەت کو تێدا ئەزموونێن ب زەحمەت دشێن بهێنە گەنگەشەکرن و چارەسەرکرن.

چارەسەریا دەرونی دشێت مفای بگەهینیتە مەزن، گەنج (adolescents)، زارۆک، هەڤژین و خێزانان.
لێرەدا ڤیدیۆیەک ژ ئەنجومەنێ ئێرلەندی بۆ چارەسەریا دەرونی، ئەندامێ کۆمەلا ئەورۆپی بۆ چارەسەریا دەرونی، هەیە کو ب باشی شلۆڤە دکەت.

چارەسەریا دەرونی چاوا کار دکەت
چارەسەرکەرەکێ دەرونی یێ خودان شیان جهەکێ ئارام پێشکێش دکەت کو تێدا تو دشێی:

• هەستێن خۆ دەربرری.
• تێڕوانینەکا کوورتر دەربارەی وان بابەت و ئاریشەیێن رووبڕووی وان دبی بدەستڤە بینی.

رونشتنێن چارەسەریا دەرونی یێن نهێنی نە کو تێدا تو دشێی هەست ب ئارامیێ بکەی کو دەربارەی وان تشتان باخڤی یێن کو دبیت تو نەشێی دگەل چ کەسەکێ دی گەنگەشە بکەی. چارەسەریا دەرونی بۆ زارۆک، گەنج، مەزن، هەڤژین و خێزانان یا کاریگەرە.

ئارمانجا خزمەتگوزاریێ ئەوە:

• هاریکاریا تە بکەت کو رێکێن باشتر بۆ سەرەدەریێ ببینی.
• باشترکرنا خۆشگوزەرانیا تە يا هەستی و دەرونی.

رونشتنێن چارەسەریا دەرونی دشێن ببن:

• ئێک ب ئێک.
• هەڤژین یان ئەندامێن خێزانێ بخۆڤە بگرن.
• د گروپەکێ دا.