بۆچی
پشتی وەلاتێ مە د گەلەک جۆرێن کۆمکوژی، جینۆساید و ترۆمایان (شۆکێن دەرونی) را دەربازبووی، کو هەتا نوکە ژی بەردەوامن، گەلەک کەسان هەست ب نەخۆشیێ و نەشیانێ کر کو ب باشی د ژیانا خۆ یا رۆژانە دا برێڤەببەن، و گەلەک ژ وان د کارێن خۆ دا نەسەرکەفتینە.
هندەکان زارۆکینیەکا خراب هەبوو، و هندەکان ژ ئەگەرێ رویدایان هزرێن زێدە هەبوون. پرانیا خەلکی ژبەر گەلەک سەدەمان نەشیان دەربارەی تشتێ رویدای دگەل کەسێن دی باخڤن.
هەروەسا گەلەک خەلک ل پارێزگەها دهۆکێ ئاوارە یان پەنابەرن، ئەوێن رووبڕووی گەلەک ترۆمایان بووین و دبیت پێدڤی ب پشتەڤانیا دەرونی بن.
لەوما ئەڤ کلینیکە جهەکە کو خەلک دشێن تێدا هەستێن خۆ دەربرن، فێری باشترکرنا رەفتارێن خۆ ببن، زەحمەتیێن ژیانا خۆ چارەسەر بکەن، و ب رێکێن پیشەیی و زانستی یێن تاقیکری هاریکاریێ وەربگرن.