پلانا ژیانا خۆ یا رۆژانە دابنێ

پاراستنا ژیانەکا رۆژانە یا رێکخستی گەلەک گرنگە. دشێت بهێتە گۆتن کو پرەنسیپێ سەرەکی بۆ رەوشا نها ئەوە: "بتنێ ئەگەر ئەم ب باشی گرنگیێ ب خۆ بدەین، و پێکهاتەکا رۆژانە یا باش هەبیت، ئەم دشێین ب باشی هاریکاریا یێن دی ژی بکەین." ئەڤ چەندە دشێت بهێتە بجـهئینان، بۆ نموونە، ب پلانەکا جێگیر. پتریا شارەزایان تەکەزیێ لسەر گرنگی و مفایێ پلانەکا وەسا یا رۆژانە دکەن (چاڤپێکەفتنەک ژ وی دەمی دگەل کۆرنێلیا بێرچ، دەرونناس و شارەزا د گەهاندنا ساخلەمیێ دا). پلان وەک "خشتەیەکێ دەمی" کار دکەت بۆ رۆژێ یان بۆ حەفتیێ. دڤێت ئەڤ خالە ل بەرچاڤ بهێنە وەرگرتن:

• پلان بۆ هەر کەسەکی جودایە، لێ رۆتین و رێورەسمێن جێگیر دشێن بۆ هەموویان ب مفابن. ئەڤە دشێت ببیتە، بۆ نموونە، تێشتەکا هەڤبەش یان پیاسەیەک د دەمەکێ دیارکری دا. رێکار و رێورەسم هەروەسا رێنمایی و هەست ب ئارامیێ ددەنە زارۆکان. هەروەسا کەسێن ب سالڤەچووی، بۆ نموونە کەسێن تووشبووی ب خرفانێ، مفایەکێ مەزن ژ رێورەسم و رۆتینان وەردگرن (کۆمەلا ئەلمانی یا ئەلزهایمەر).
• دەمێن جێگیر و رێکخستی ب قەدرێ شیانان ڤی خشتێ رۆژانە یان حەفتیانە پێکدئینن.
• ئەگەر تو دگەل هەڤژینەکی یان د خێزانەکێ دا دژی، مفادارە کو ڤی خشتەی پێکڤە دابنێن. ئەڤە پابەندیێ زێدە دکەت. تو هەست دکەی کو پتر پابەندی ب رێزگرتن و جێبەجێکرنا پلانا لسەر رێککەفتی دبی. زێدەباری ڤێ چەندێ، هنگێ دشێت پێدڤیێن هەموویان لدیڤ وێ بهێنە ل بەرچاڤگرتن.
• گرنگە، زێدەباری چالاکیێن فەرزی، دەمێن خۆش یان چالاکیێن خەلاتکرنێ یێن مفای دگەهیننە کەسی بهێنە خشتەکرن.