ل رێکەفتی ٢٥ی چریا دویێ یا ٢٠٢٥، تیمێ پرۆگرامێ چارەسەریا ئالودەبوونێ یێ پەیمانگەها IPP ژ زانکۆیا دهۆک پشکداری د پرۆگرامەکێ راهێنانێ یێ کرداری دا ل کلینیکا چارەسەریا دەرونی بۆ ئالودەبوونێ ل شتوتگارت، ئەلمانیا کر.

ئەڤ پرۆگرامە ل دویڤ راهێنانا تیۆری هات یا کو ل دهۆکێ ل حوزەیرانا ٢٠٢٥ هاتبوو کرن، و ئارمانج ژێ ئەوبوو کو تیمێ پرۆگرامێ چارەسەریا ئالودەبوونێ یێ IPP - ژ نوژدارێن دەرونی، چارەسەرکەرێن دەرونی، و کارمەندێن جڤاکی - ئاشنای رێکێن چارەسەریێ یێن کرداری بکەت یێن کو د کلینیک و نەخۆشخانەیێن ئەلمانی دا دهێنە بکارئینان.

راهێنانا کو حەفت رۆژان ڤەکێشا، تەرکیز لسەر پێزانینێن تیۆری و تێبینیێن کلینیکی یێن رێکخستی ل بنگهێن جودا یێن چاڤدێریا ئالودەبوونێ ل شتوتگارت و توبینگن کر.

پرۆگرام هاتبوو دیزاینکرن دا کو تێڕوانینێن کوور، زانینا جێبەجێکری، شارەزاییێن کرداری، و میتۆدێن لسەر بنەمایێ بەلگەیی دابین بکەت، یێن کو دشێن د کارێ کلینیکی یێ رۆژانە دا بهێنە جێبەجێکرن.

تیمێ پرۆگرامێ چارەسەریا ئالودەبوونێ یێ IPP چاڤدێریا رەوتا کاری و رێکارێن چارەسەریێ ل نەخۆشخانە، کلینیک، پشکێن چاڤدێریا ئالودەبوونێ و ئێکەیێن کلینیکێن دەرڤە کر. هەروەسا ئەو ب رەوتا کاری یا تەمام - ژ پێشوازیێ هەتا گرتنا کەیسی - هاتنە ئاشناکرن ب رێکا پێشکێشکرنێن ژلایێ نوژدارێن دەرونی، نوژدار، و کارمەندێن جڤاکی ڤە ل وان دامەزراوەیێن سەرەدانا وان هاتیە کرن، هاتینە کرن.

تیمێ ئالودەبوونێ ل پەیمانگەها IPP دێ وێ زانین و شارەزاییا ب دەستڤەهاتی د بیاڤێن ساخلەمیا دەرونی و ئالودەبوونێ دا ل زانکۆیا دهۆک ب تایبەتی، و ل دەڤەرێ ب شێوەیەکێ گشتی، جێبەجێ کەت، دا کو کاریگەریا رێکێن چارەسەریێ بهێزتر بکەت.