کونفرانس دێ تەرکیزێ کەتە سەر هەمی لایەنێن ڤەگوهاستن، وەرگرتن، و کارلێککرنا رێبازێن دەرونی-جڤاکی و چارەسەریا دەرونی و چارەسەریا ترۆمایێ، چ یێن جیهانی یان یێن ناڤخۆیی بن، زێدەباری ئاڵوگۆڕا شارەزایی و زانینێ دناڤبەرا رۆژهەلاتا ناڤین و وەلاتێن رۆژئاڤا دا.

هەروەسا کونفرانس دێ فورەمەکا فرە-پسپۆری بۆ ڤەکۆلەر، پراکتیککەر و پەروەردکاران دابین کەت بۆ گەنگەشەکرنا نووترین داهێنان، ئاراستە و نیگەرانیان، و ئاستەنگێن کرداری و چارەسەریان د بیاڤێن پشتەڤانیا دەرونی-جڤاکی، کارێ جڤاکی، چارەسەریا دەرونی، نوژداریا دەرونی، و بیاڤێن پێڤەگرێدای دا. ب تایبەتی دێ رێبازێن جۆراوجۆر یێن رۆژئاڤایی و ناڤخۆیی د چارەسەری و چاڤدێریێ دا هێنە نیشاندان و گەنگەشەکرن.